Anna Guðrún Gylfadóttir

11.11.2008 | 22:35

.....og geðveikur nágranni með heimabíó....6 á richter hér...

Já, hvað á að gera við nágranna sem er nýbúinn að fá sér leikjatölvu og heimabíó. Það eru þvílík lætin í stofunni hjá mér. Það glymur í gólfinu hjá mér og glerið í hillunum skelfur. Lögreglustjórinn á svæðinu hefur verið vitni af látunum. Tillitsleysið er þvílíkt. Ég er búin að kvarta undan hávaða einu sinni og ég fékk að heyra það á móti að það heyrðist stundum í mér. Ok. Ég viðurkenni það að hafa keypt Indíana Jones Lego fyrir PS2. Ein byssan í leiknum var örlítið kraftmikil en ég efast um að lætin í leiknum hjá mér komist í hálfkvist við það sem ég er að upplifa hér núna. Já og svo tölum við svolítið hátt hér á heimilinu.

En þá hefst lesturinn. Í ágúst sprakk rör hjá þeim fyrir ofan mig. Það var rigning í eldhúsinu hjá mér í viku. Sex dallar um allt eldhús og það angaði af stíflueyði í mánuð. Loftið er ónýtt og mála þarf veggina upp á nýtt. Líklega er raki í gips veggjunum. Ok, ef tryggingarnar borga fyrir nánast nýtt eldhús fyrir jól þá segi ég ekki neitt.

Ég hef vaknað upp í miðri viku og tónlist á fullum styrk uppi. Það er partý. Angry Enda er hér um að ræða gleðifólk og þá á ég ekki við það að þau reyti af sér brandarana.